- Pejuraika definisyen morfologi.
- Nama kebuah morfologi tu bisi bekaul enggau sintaksis?
- Padahka reti morfem.lalu disempulangka enggau chunto ti engkeman.
- Beri definisyen senentang ayat pelasar. Gaga siti ayat ti ngayanka ayat pelasar.
- Padahka bida ayat tunggal enggau ayat pelasar.
Meri tabi basa sereta selamat datai ngagai bala pemacha enggau penulis blog Jaku Iban. Ngarapka sama bela bekunsika penemu sereta kereban ti patut dikena kelebih agi dalam proses ngajar enggau belajar jaku Iban. Terima kasih.
Friday 30 January 2015
Tanya Latih Morfologi
Tanya Latih Fonetik enggau Fonologi
- Beri definisyen fonetik nitihka penemu Siti Hajar Abdul Aziz (2008).
- Beri definisyen fonologi nitihka penemu tebangkar ti dipilih nuan.
- Padahka tiga bansa bidang fonetik.
- Beri bida antara fonetik enggau fonologi ngena chunto kar ti seriran.
- Padahka reti munyi konsonan.
Kereja Latih Semantik
- Beri definisyen semantik lalu disempulangka enggau chunto ti engkeman.
- Pejuraika reti ubah semantik leksikal lalu beri chunto ayat ti ngayanka ubah reti nya.
- Beri definisyen senentang Teori Segi Tiga Semiotik nitihka penemu Odgen enggau Richards (1923).
- Tengkebang siti ayat bepelasarka tiga komponen ianya Konsep, Simbol enggau Referens ti bisi dalam Teori Segi Tiga Semiotik lalu disempulangka enggau chunto kar ti seriran.
- Padahka reti semantik bepelasarka Teori Harmoni enggau Nyata lalu disempulangka enggau ayat ti seriran.
Sunday 18 January 2015
Semantik
SEMANTIK
Teori Pansik Semantik
Leka
jaku semantik datai ari jaku Yunani iya nya sema,
ti mai reti tanda tauka kelai. Semantik nitihka ba jaku pengawa Yunani dikumbai
semiano, reti iya nya nanda tauka
ngelai. Penemu Hashim Musa enggau Ong Chin Guan (1998) madahka semantik dalam
jaku adjektif iya nya dikumbai semantickos,
reti iya beguna tauka ngembuan reti.
Semantik tu datai ari jaku Perancis (semantique) ti dikena ke maya ari. Micheal Breal abad ke-19 madahka semantik jauh bebida
enti dibandingka enggau sintaksis. Kebuah iya, semantik mansik RETI tang sintaksis tu
mansik STRUKTUR bagi genap leka jaku. Sintaksis tu meri fokus aba senentang tukuh tang ukai
ba sukut reti.
Nitihka
Kamus Dewan Edisi 1997 (1228), madahka semantik iya nya pansik senentang reti
leka jaku enggau nambahka reti leka jaku. Reti nya ditu, semantik iya nya
penemu senentang reti tauka ubah reti siti-siti leka jaku. Leka jaku nya tadi
ngembuan konsep ti bebida bepelasarka konteks tauka gaya iya dikena.
Akmajian
(1995 : 222) madahka dalam bidang linguistik, semantik iya nya pansik senentang
reti dalam jaku. Semantik bekaul enggau pansik senentang unit linguistik enggau
prinsip selampur. Dalam bidang logik, semantik nyadi pansik senentang referens
lingustik tauka syarat pemendar. Pansik semantik bepun ari tikas leka jaku
tauka tikas ti tinggi agi iya nya bepun
ari rambai jaku enggau ayat. Infomasyen senentang semantik beguna dikena
bejuraika siti – siti jaku. Semantik bekait enggau pansik senentang unit
linguistik enggau prinsip selampur. Dalam
bidang logik, semantik dikumbai siti pansik senentang referens linguistik
enggau syarat ti bendar. Pansik semantik
ulih dipunka ba tikas jaku tauka ba tikas ti tinggi agi, iya nya jaku ti digaga
ari rambai jaku enggau ayat.
Nitihka
penemu Sperber enggau Wilson (1980) madahka semantik tu enda ulih numbuhka reti
ti bendar siti-siti jaku laban iya nadai ngembuan konteks enggau kontekstualiti
(bekait enggau konteks ba jalai jaku).
Tang iya semina nekanka logik ti numbuhka sekeda jalai jaku siti-siti bansa
jaku. Reti iya, semantik tu mansik reti
ari sukut pemereti ba tikas linguistik ti tulin.
Nitihka
Stalnaker (1972:383) madahka sintaksis tu bidang ti mansik ayat tang semantik
mansik preposisi (reti enggau tuju).
Anda tu madahka, semantik nerangka atur dikena nyeriranka ayat dalam
bansa jaku enggau preposisi ti dikena.
Tang, ayat ti seriran enggau preposisi bekaul enggau konteks ayat ti
dikena.
Nitihka Lehrer(1974:1) semantik tu bidang pansik ti
chukup besai laban bidang semantik besangkut enggau aspek-aspek struktur enggau
guna jaku lalu bisi kaul mega entara psikologi enggau antropologi.
Penemu Dr. Mansoer Pateda madahka semantik iya nya
subdisiplin linguistik ke bejuraika reti. Semantik siti ari pampang linguistik
ke bejuraika reti siti-siti jaku ke dikena. Reti ti dipejuraika ba pekara tu
beguna lalu bisi ngembuan reti sereta tuju ti engkeman.
Kambartel (dalam Bauerk, 1979:195), semantik melabaka
jaku nya ngundan struktur ti mandangka reti enti iya dipekaulka enggau objek ti
bisi dalam pengidup mensia besehari-sehari.
Siti Hajar Abdul Aziz (2009), madahka semantik iya nya
pampang pansik senentang aspek reti ba pampang penemu linguistic. Semantik tu
datai ari Greek iya nya Semantikos ti dikena meri tanda tauka reti. Semantik mega belabuh ari leka jaku “SEMA” ti mai reti
ngagai “RETI” . Dalam
jaku English “reti” disebut “meanings,meant
enggau means” ti ulih dikena
dalam bemacham situasyen.
Drs. Aminuddin, M. pd, madahka semantik ngembuan
pelajar senentang reti sereta taga
senentang reti tu nyengkaum ari sukut jaku. Nya alai semantik tu siti ari bagi
ti bisi dalam linguistik.
Penemu Zulkifli Hamid mega madahka semantik iya nya
siti ari pampang penemu linguistik ti meri fokus ngagai pansik reti ba tikas
leka jaku, rambai jaku, klausa enggau ayat. Reti nya, semantik tu dipansik
nitihka tikas ba penemu linguistik lalu iya mai konsep ti bisi bebida
bepelasarka tikas linguistik ti dikena.
Penemu tokoh ti bukai iya nya Nik Safiah Karim madahka
semantik iya nya pampang pansik ti mansik reti tauka reti dalam jaku. Tokoh
Kamaruddin Hj. Husin bejuraika semantik iya nya pansik senentang reti
linguistik ke bekenangka aspek ke dipandangka ba ayat tauka objek.
Ferdinand de Saussure udah bejuraika reti ti lenak
bekaul enggau konsep semantik tu. Iya madahka semantik datai ari kelai tauka
tanda signifie enggau signifian. Kelai signifie iya nya konsep
tauka reti leka jaku lalu signifian iya nya munyi leka jaku. Nitihka jurai
penemu iya tu, genap tanda linguistik ngembuan komponen signifian (ti ngenataika
reti) ke dipandangka ngena munyi, enggau mega komponen signifie (ke diberi
reti) ti mandangka konsep tauka reti (signifian). Nyadi nitihka Ferdinand de
Saussure reti nya nya “konsep” tanda linguistik.
Morfologi
Konsep
Morfologi
Morfologi tu sebengkah ari bansa jaku iya nya
jalai nempa leka jaku. Bansa jaku ba dunya tu bisi sebaka jalai nempa leka jaku
lalu bisi mega bebida. Morfologi jaku iban tu siti ari bidang penemu ti betungkapka struktur, tukuh enggau raban jaku. Bidang
morfologi endang bidang ti kompleks lalu tau dipeda nyadi ke jematan ti
besabungka kaul sintaksis enggau fonologi jaku. Morfologi bisi bekaul
enggau sintaksis laban ari leka jaku nya tau didijir nyadi frasa, klausa,
enggau ayat ti mai reti. Kebuah pia laban pansik munyi sebut jaku nya
ngemeranka pansik pasal gaya leka jaku
ti datai ari munyi sebut.
Pansik struktur jaku mungkur munyi sebut
tauka lambang tulis ti nyadi unit jaku ti bisi ngundan reti. Tukuh jaku nya tau
dikumbai gaya unit jalai jaku , sekalika iya betukuh tunggal tauka datai ari
proses meri penambah, beturuka leka jaku tauka proses jaku betandu. Beripihka
jaku ngagai raban jaku nya proses nijirka leka jaku ngagai raban ti bisi leman
penyemaka lalu tau dibagi nitihka fungsi dalam raban leka jaku ti sama.
Unit jalai jaku ti nyadi leman leka jaku disebut morfem. Morfem nya unit
ti pengabis mit dalam leka jaku ti befungsi gramatis dalam jalai jaku. Leka
jaku nya tukuh jaku ti mit tang ngundan reti menyana lalu ulih bediri kediri.
Fonetik enggau Fonologi Jaku Iban
Definisyen Fonologi
Fonologi
nya siti bidang penemu linguistik ti mansik munyi jaku dalam sesebengkah bansa
jaku sereta fungsyen iya dalam sistem munyi jaku. Bidang tu mega betungkapka
reti munyi sereta bekaul enggau munyi jaku sereta mesej ke deka dikenataika
orang ti mansutka jaku ngagai peninga ti nerima jaku nya.
Nitihka
pansik Bertil Malmberg (1968) pasal fonologi madahka tu siti ari bidang ti
mansik jaku mensia ti mansik sistem munyi jaku. Nitihka Malmberg mega fonologi tu
dibagi ngagai empat bengkah bidang ke mit agi ngambika nyamai agi diperati ke
kitai. Empat bidang ke mit tu iya nya penemu fonetik rama, fonetik deskriptif,
fonetik sejarah enggau fonetik normatif.
Lansa
pasal fonetik rama tu iya nya mansik sebarang munyi jaku ti diasilka mensia
sereta fungsyen mekanisme jaku ti pansut ari mulut mensia. Pekara ti dipansik
bekaul enggau munyi jaku ti diasilka lalu ni bagi organ artikulasyen ti
bekereja lebuh ngasilka munyi jaku nya. Nitihka ka Malmberg penemu fonetik deskritif
mansik leman dalam sesebengkah jaku tauka dialek jaku. Pekara ti dipansik iya
nya, baka ni dialek jaku tau nyadi dalam sesebengkah bansa jaku ti sama.
Chunto, jaku iban saribas enda sama dialek enggau jaku iban ari remun.
Nyadi
fonetik sejarah tu mansik baka ni fonetik ulih berubah dalam sesebengkah jaku.
Reti nya, penemu fonetik sejarah tu mansik baka ni jaku tau berubah datai ke
sehari tu lalu nama pekara ti tau ngasuh iya berubah. Lalu fonetik ti kepenudi
iya nya penemu fonetik normatif ti ngemeranka pengawa beratika set raup (rumus)
tauka atur ngena jalai jaku ti nentuka jaku ti disebut nya betul. Dalam hal tu, iya belabaka mensia
ending udah bisi norma tauka standard atur bejaku ti betul. Chunto iya, orang
Undup-Simanggang bejaku ngena dialek Balau lalu Betong-Saratok bejaku ngena
dialek Saribas.
J.D.O’
Conor (1984) dalam bup iya phonetics,madahka
fonologi tu siti bidang penemu linguistik ti besangkut paut enggau munyi ti
diasilka mensia. Nitihka iya mega, munyi ti didinga nya rurun munyi ti suah
ditemu dalam jaku dalam jaku raban bansa ti ngena iya. Nyadi munyi nya bekaul
enggau mesej ti deka dikenataika.
David
Abercrombie (1971), dalam bup iya Elements
of General Phonetics, ngumbai fonologi ngembuan tukuh teknikal lalu dalam
bidang linguistik sesebengkah jaku iya deka diperati ngena chara analitikal, reti nya kitai ukai semina ninga
munyi jaku tang mega beratika mekanisme rengka tubuh ti nyempulang jaku ti
disebut nya tadi.
Indirawati
Zahid & Mardin Shah Omar (2006) dalam bup iya Fonetik dan Fonologi, ngumbai fonologi nya siti bidang linguistik
ti mansik pasal munyi jaku ti diasilka mensia. Pekara ke dipansik iya nya deka
nemu baka ni munyi jaku diasilka organ sebut mensia enggau baka ni munyi jaku
nya tau ulih dikelaska.
Abdullah
Hassan (2006) dalam bup iya Linguistik Am,
madahka iya bisi udah ngasilka pansik pasal munyi jaku mensia mega. Definisyen
fonologi ke diberi iya nya siti bidang linguistik ti mansik munyi jaku ti
diguna mensia lebuh sida bejaku.
Abdullah
(ibid), ngelanjarka pansik iya ngagai transkripsyen munyi jaku ti didinga iya.
Retinya, iya ngaga lambang dikena nanda tiap-tiap bengkah munyi jaku ti
didinga. Retinya, iya ngaga lambang dikena iya nanda tiap-tiap bengkah munyi
jaku ti didinga. Nya alai sebarang sapa ti belajarka fonologi, enda tau enda
meretika proses ngaga transkripsyen munyi. Lambang ti dikena nanda munyi nya
mih ti dikumbai lambang fonetik. Nya alai, ditu kitai meda fonologi nya siti
bidang penemu ti mansik sistem tauka struktur munyi jaku. Nyadi nitihka pansik
orang-orang ke landik senentang linguistik tu, fonologi tu sebengkah pekara ke
mansik pasal sistem munyi jaku.
Definisyen Fonetik
Pansik
munyi jaku ti diasilka organ artikulasyen nya dikumbai fonetik. Nyadi reti
fonetik tu iya nya, pekara ke mansik pasal produksyen enggau persepsyen munyi
jaku. Tubuh kitai mensia disikap enggau organ ti tau ngeluarka munyi jaku ngena
mekanisme dalam tiga bengkah rumbang iya nya disebut rumbang mulut, rumbang
idung enggau rumbang farikns. Ditambah ke nya mega, fonetik tu ulih dibagi
ngagai tiga bansa iya nya, fonetik artikulasyen, fonetik akuistik enggau
fonetik auditori. Nya kebuah fonetik begunaka pengawa mansik tiap-tiap leman
munyi, lalu ngasilka transkripsyen ungkup tiap-tiap leman munyi ari semua jaku.
Nitihka
pansik Paitoon M. Chaiyanara (2006) dalam bup iya Pengenalan Fonetik dan Fonologi, madahka semua munyi jaku pansut
ari mulut mensia. Nya alai, bidang fonetik mansik rengka tubuh mensia ti
ngasilka munyi jaku.
Abdullah
Hassan (2006) dalam bup iya Linguistik Am,
madahka ti mansik leman munyi jaku ti beguna lebuh berandau. Iya mansik munyi jaku ti didinga iya lalu
bunyi nya tadi dipechah-pechahka ngagai unit munyi ti mit agi, lalu udahnya iya
nyeritaka nama pangka tauka biuh reti ngagai orang ti mendingka jaku nya.
Kelimpah arinya mega, nerangka organ sebut ti ngasilka munyi jaku lalu nerangka
ni bagi organ sebut ti ngasilka munyi jaku lalu nentuka sekalika munyi ti
pansut nya begetar tauka enda, sekalika peti sura nyawa nya tutup tauka enda.
Nyadi munyi ti pansut nya tadi tau dikelas ngagai vokal enggau konsonan. Munyi
nya tadi tau mega ditranskripsyenka, reti iya nya diberi lambang tauka simbol.
Lambang tu tadi mih ke disebut fonetik.
Bertil
Malmberg (1968), ti mekuh pansik senentang fonetik dalam bup iya Manual of Phonetics, mantaika sekeda
asil pansik munyi jaku. Pansik tu endang ngemeranka munyi jaku, iya nya unit ti
diguna dalam leka jaku ke disebut orang ti bejaku.
J.D.O’Conor
(1984) dalam bup Phonetics, mega bisi
ngupas penemu ti bekaul enggau munyi ti diasilka mensia. Munyi ti didinga lalu
diberi tukuh enggau fungsyen dalam raban bansa nya empu, tukuh enggau fungsyen
jaku deka disempikutka sida enggau mesej ti deka dikenataika lebuh sida
bejaku. Chunto baka leka jaku cheremin, peninga ulih ngaga tukuh ba
munyi /ch/, /e/, /r/, /e/, /m/, /i/, /n/. Tukuh tauka urup tu dipejantika nyadi
leka jaku /cheremin/, lalu dipeda fungsyen iya sereta dikaitka enggau mesej ti
deka dikenataika.
Lebuh
maya ngasilka munyi jaku, bisi tiga bengkah proses nyadi, iya nya fonetik artikulasyen, fonetik akustik enggau fonetik auditori. Nyadi fonetik
artikulasyen siti ari bidang ti mansik chara sesebengkah munyi diasilka
rengka artikulatori ba tubuh kitai mensia. Nya kebuah mayuh bengkah rengka
artikulatori kitai mensia diguna lebuh munyi jaku pansut ari rumbang nyawa.
Endur munyi nya diasilka disebut palan artikulasyen ti befungsi ngeluarka munyi
jaku. Fonetik akustik tu mega iya nya bidang ke mansik munyi jaku
kitai. Fonetik tu bekenangka pasal mansik gelumbang angin ti mai munyi nya
ngagai pending mensia. Kebendar iya fonetik akustik tu mansik klasifikasyen
munyi ti pansut ari mulut kitai, ari segi fitur fizikal ambika chunto, empas
munyi, pengelantang munyi, enggau pemanjai munyi sebut. Kepenudi bendar iya nya
fonetik
auditori bekaul enggau pekara mending sereta proses ti nydi lebuh kitai
nerima munyi lalu baka ni munyi tu diasai tauka didinga kitai. Hal ke bakatu besangkut
paut enggau perengka tubuh ti bukai baka untak enggau pending. Chunto, munyi ti
dibai angin lalu kitai ngasaika tauka nerima stimulus nya ngena pending.
Jaku simpul senentang
definesyen fonetik tu iya nya pansik saintifik ti bejuraika pasal jaku kitai
mensia.ba bidang fonetik tu, batang pekara ti deka dipejuraika kitai baka ni
munyi jaku diasilka organ sebut ba palan artikulasyen, baka ni munyi nya dikena
lebuh maya bejaku, baka ni kitai tau ngerikut munyi tu ke dalam tukuh lambang
tauka karang lalu baka ni mega kitai ulih ninga sereta ngelala bemacham munyi
jaku. Ba bidang tu mega kitai ngemeranka
munyi ti beguna lebuh bejakuka, pemanjai munyi sereta enggau variasyen munyi
nya. Nya alai symbol fonetik nya beguna amat laban symbol nya mih tanda ti ngelai
munyi ti didinga kitai. Ari aspek auditori, pending kitai mensia endang
senaka-naka iya pengelansik laban ulih mida bemacham munyi ti didinga lalu mida
munyi vokal, konsonan enggau diftong tauka munyi bukai. Munyi tu nyadi ketegal
putar dilah enggau mulut lebuh ngesuhka munyi jaku.
BANDING TAUKA BIDA FONETIK
ENGGAU FONOLOGI
FONETIK
|
FONOLOGI
|
Pansik senentang gaya asal
produksyen enggau persepsyen munyi jaku ti diasilka.
|
Pansik senentang sistem
munyi sesebengkah bansa jaku enggau gaya asal sistem iya.
|
Dibiah
ngagai tiga bansa :
I.
Fonetik artikulasyen
II.
Fonetik akustik
III.
Fonetik auditori
|
Pansik senentang kaul siti
leka jaku enggau leka jaku ke bukai ti dikena ngaga ayat.
|
Mansik semua elemen munyi
|
Mansik pola intonasyen
|
Ngasilka transkripsyen
fonetik ke semua munyi jaku semua mensia
|
Ngasilka sistem sepil
sesebengkah bansa jaku
|
Tuesday 13 January 2015
Jaku Adjektif
PISMP
Jaku Iban 2013
Jalai Nempa Jaku Adjektif
i.
Jaku
adjektif tunggal
ii.
Jaku
adjektif tumbuh
iii.
Jaku
adjektif betandu
iv.
Jaku
adjektif turu
v.
Jaku
adjektif banding
i.
Jaku Adjektif Tunggal.
Jaku
adjektif tunggal iya nya jaku adjektif ti nadai nerima penambah tauka proses
betanduka leka jaku.
Chunto
ayat :
a.
Baju
chura mirah nya ti deka dibeli
menyadi indu aku.
b.
Sekumbang
udah bulih pengawa, pengidup Igat lantang
amat.
c.
Menyadi
aku tinduk jenak amat.
d.
Indai
Guyang rajin amat ke kebun.
e.
Anak
Indai Anum nya buruk laban enggai
berapi.
ii.
Jaku Adjektif Tumbuh
Jaku
adjektif tumbuh nyadi ari urat jaku ti diberi penambah iya nya baka penambah
mua enggau penambah kepit. Chunto iya baka penambah mua nge-, be-, enggau penambah beke-
Chunto
penambah mua..
Chunto leka
jaku
|
Penambah
mua nge-
|
|
tinggi
|
ngeninggi
|
|
besai
|
ngemesai
|
|
sigat
|
ngenyigat
|
|
bajik
|
ngemajik
|
|
lichin
|
ngelichin
|
|
chelum
|
ngenyelum
|
|
rindu
|
ngerindu
|
|
Chunto
ayat :
a.
Apai
Jambal enda ngeninggi anak iya Junau.
b.
Kebun
lada sida Jabai sebilik enda ngemesai enggi
Apai Ladi.
c.
Igat
bemain gitar dikena ngerindu ati diri
ti sunyi.
d.
Dulu
kelia nadai indu ngemajik Kumang.
Chunto penambah kepit
Chunto leka jaku
|
Penambah kepit ng-…-ka
|
Pedis
|
ngemediska
|
Sakit
|
ngenyakitka
|
China
|
ngenyinaka
|
Melayu
|
ngemelayuka
|
iban
|
ngibanka
|
Chunto ayat:
a.
Penyai
orang nya chukup ngemediska ati iya.
b.
Aloi
sigi rindu deka ngenyakitka diri
laban ti enggai nurun besekula pagi tadi.
c.
Lebuh
ti bejaku, tudah Ruja ngenyinaka diri
laban ti udah betampil enggau bansa orang nya.
d.
Sekumbang
ti gawa ba semenanjung, tudah Empari nemu ngemelayuka
diri ngena pekayan.
e.
Apek
Cina nya suah ngibanka diri, tang lalu
enggai nyadi.
iii.
Jaku Adjektif Betandu
Jaku
adjektif betandu tau nyadi ari tiga chara iya nya jaku betandu penuh, jeku
betandu puntang, enggau jaku betandu rentak. Kelimpah ari jaku betandu puntang,
semua raban jaku betandu bukai patut diberi tanda sengkang (-).
a. Jaku
adjektif betandu penuh
-
betandu
penuh nya chara nempa jaku adjektif ti pemadu mudah, iya nya betanduka jaku
adjektif tunggal dikena meri reti tukuh ti selampur.
-
Chunto
:
besai-besai manah-manah
mirah-mirah mengut-mengut
gadung-gadung sirut-sirut
panjai-panjai lingut-lingut
b. Jaku
Adjektif Betandu Puntang
-
Chunto
:
kekurus kekemut
bebesai kekulap
geganggam pepanjai
lelingai kekating
lelingut lelinsum
c. Jaku
Adjektif Betandu Rentak
-
Chunto
:
segala ina
penat katat
pait pitan
singka siai
besai rerakam
lemak lelui
sakit lengit
kaya raja
iv.
Jaku Adjektif Turu
Jaku adjektif turu nyadi
ari dua iti leka jaku ti dikena nyeritaka jaku nama. jaku adjektif turu mega
jaku ti datai ari proses bedijirka dua urat jaku tauka ngemai reti ti menyana.
Jaku adjektif turu disepil beserara tang nyadi siti unit.
Chunto :
mirah darah besai panjai
gadung daun nyilu kuku
kuning entemut simpi pauh
burak upa panas kera
v.
Jaku Adjektif Banding
Jaku adjektif tu dikena
nunjukka tingkat banding ti dibagi ngagai tiga bengkah iya nya:
a.
tingkat
selama
b.
tingkat
banding
c.
tingkat
pengabis
a. Tingkat
Selama
Jaku
adjektif tu tau dikena nunjukka tingkat selama, baka dalam ayat di baruh tu :
1.
Pengidup
sida sebilik jelan iya pemisi.
2.
Malam
tu panchar bulan terang di langit.
3.
Tubuh
anak mit nya kurus.
b. Tingkat
Banding
Jaku
adjektif tukuh tu tau dikena nunjukka tingkat banding dalam sesebengkah ayat.
Chunto
:
1.
Rumah
Aki Pelanduk ngemesai rumah Awing.
2.
Nadai
indu kami serumah panjai tu ngemajik
Jantang.
3.
Lauk
panduk indu dara nya ngenyamai panduk
indai.
4.
Perau
chura gadung nyin ngemanjai perau
aku.
5.
Lori
bechura mirah nya besai agi ari iya
ti bechura kuning.
c. Tingkat
Pengabis
Chunto :
1.
Nembiak
nya pengabis pandai dalam kelas sida.
2.
Batang
Rajang iya nya sungai ti pemadu panjai
di Malaysia.
3.
Junau
nembiak pemadu tinggi dalam kelas
kami.
4.
Bas
ke bechura gadung nya pemadu besai
ari bas bechura kuning nyin.
5. Manuk pansuh nya nyamai amat.
Subscribe to:
Posts (Atom)